Skyndihjálparmaður ársins 2020
Veist þú um einhvern sem með snarræði sínu og réttum viðbrögðum hefur bjargað mannslífi með skyndihjálp á árinu 2020? Ef svo er sendu okkur ábendingu.
Skyndihjálp
Skordýrabit og stungur
Skordýrabit eru lítil húðsár af völdum skordýra sem stinga. Bitin eru oftast meinlaus en geta valdið óþægindum og kláða.
Hvað sérðu?
- Einstaklingur sem hefur verið bitinn eða stunginn finnur fyrir sársauka. Einkennin geta verið útbrot, ofsakláði, bólgur á höndum, fótum eða andliti og öndunarerfiðleikar.
Skyndihjálp
- Athuga hvort þú sérð bit- eða stungufar, bólgur og/eða blæðingu.
- Fjarlægðu stungubroddinn með því að skrapa hann í burtu með flötu áhaldi, til dæmis kreditkorti. Þú getur einnig fjarlægt hann með flísatöng, gættu þess að grípa í endann á stungubroddinum svo það kreistist ekki úr eiturpokanum.
- Hreinsaðu sárið með sápu og vatni. Búðu um það með sáraumbúðum og kældu svæðið með kælipoka.
- Hringdu strax í Neyðarlínuna 112 ef einstaklingurinn fær alvarleg ofnæmisviðbrögð eða sýnir einkenni bráðaofnæmis.
Spurningar og svör
- Hvaða skordýravörn er best að nota þar sem gæti verið mikið af skordýrum?
Notaðu skordýravörn sem inniheldur efnið diethyltoluamide (DEET).
- Má bera skordýravörn með DEET á börn?
Notaðu skordýravörn sem inniheldur minna en 10% af DEET fyrir börn.
- Hvað er hægt að gera til að fækka skordýrum heima við?
Forðastu að láta polla myndast í garðinum. Ekki láta vatn standa kyrrt í fötu eða tjörn.