Skyndihjálp
Krampar / Flog
Ástæður floga/krampa geta verið af ýmsum toga s.s. flogaveiki, eitrun, hár hiti, rafmagnsslys, heilaáverkar og blóðsykurskortur.
- Einstaklingurinn stífnar upp og líkaminn kippist til.
- Augun geta leitað upp á við.
- Viðkomandi gæti verið með nisti þar sem sjúkdómsgreiningin kemur fram.
- Leggðu teppi eða flík við höfuðið til þess að koma í veg fyrir áverka og tryggðu að ekkert hefti öndun.
- Vertu hjá viðkomandi þar til kastið líður hjá og leyfðu honum að sofa eftir kastið.
- Eftir að flogakastið er liðið hjá, veltu einstaklingnum á hliðina og sveigðu höfuðið aftur.
- Ef viðkomandi er með flogaveiki og flogakastið hættir innan 2 mínútna er ekki nauðsynlegt að hringja í 112. Ef þú ert í vafa um hvort flogakastið sé vanalegt eða ef flogakastið stendur lengur en í 2 mínútur skaltu hringja í 112.
- Á ég að setja eitthvað upp í munninn á einstaklingnum svo hann bíti ekki í tunguna eða á ég að passa að tungan fari ekki aftur í kok?
Nei. Haltu þig frá munninum og ekki reyna að setja neitt upp í einstakling með flog. Þú gætir meitt þig og líka hann. Reyndu að tryggja að umhverfið sé hættulaust og fjarlægðu hluti sem gætu valdið áverka. Leyfðu flogakastinu að líða hjá.
- Hvenær á ég að hringja í Neyðarlínuna 112?
Hringdu í Neyðarlínuna 112 ef þú veist ekki til þess að einstaklingurinn hafi fengið flogakast áður. Eins ef flogakastið er óvenjulegt, viðkomandi hefur meitt sig eða kastið hefur varað lengur en í 2 mínútur.
- Hvernig get ég vitað hvort einstaklingurinn er flogaveikur?
Hann gæti verið með einhverjar upplýsingarnar þess efnis á sér svo sem spjald, armband eða hálsmen með upplýsingum um sjúkdóminn. Ef þú finnur engar upplýsingar eða ert óviss um að einstaklingurinn sé flogaveikur skaltu hringja í Neyðarlínuna 112.