Skyndihjálp
Bruni
- Roði á húð
- Brunablöðrur
Kældu brunann með því að láta vatn renna á hann í a.m.k. 10 mínútur.- Stilltu vekjaraklukku á 10 mínútur.
- Ef þörf er á læknisaðstoð skaltu vefja plasti eða plastpoka utan um brunasárið áður en haldið er af stað. Ekki þarf að búa um sárið með plasti ef ekki þarf að leita til læknis.
- Hringdu í Neyðarlínuna 112 ef þörf krefur eða fáðu einhvern nærstaddan til þess.
- Á ég að smyrja smjöri eða smyrsli á brunasár? Ég hef heyrt að það hjálpi.
Nei. Smjör virkar ekki kælandi. Allt sem inniheldur fitu viðheldur hita sem er þveröfugt við það sem gera þarf. Það getur valdið óþarfa sársauka og skaða að setja eitthvað á brunasár ef síðar þarf að fjarlægja það.
- Á ég að nota klaka til að kæla brunann?
Nei. Notaðu vatn. Klakinn getur valdið frekari ákverka á húðinni. Ef ekki er aðgengi að rennandi vatni notaðu þá hvaða kalda eða volga rennandi vökva sem er.
- Hvernig veit ég hvort fara þurfi á sjúkrahús?
Farðu á sjúkrahús ef barn brennist, ef brunablöðrur þekja fleiri en eitt svæði líkama eða þekja hendur, fætur, liðamót eða andlit og eins ef sést í undirliggjandi vefi.
- Á ég að setja plástur á brunasárið?
Nei. Ekki nota venjulegan plástur þar sem hann gæti fest við húðina á brennda svæðinu og valdið frekari áverka. Settu plastfilmu eða hreinan plastpoka yfir sárið.
- Ætti ég að fjarlægja fatnað sem er fastur í brunasári?
Nei. Fjarlægðu fatnað og skartgripi sem eru nálægt brunasvæðinu en ekki reyna að fjarlægja neitt sem er fast í sárinu. Það gæti valdið frekari áverka.