Skyndihjálparmaður ársins 2019
Veist þú um einhvern sem með snarræði sínu og réttum viðbrögðum hefur bjargað mannslífi með skyndihjálp á árinu 2019? Ef svo er sendu okkur ábendingu.
Skyndihjálp
Aðskotahlutur í hálsi
Hvað sérðu?
- Viðkomandi grípur um hálsinn, getur hvorki talað né andað, og fer að blána.
- Ofsahræðsla
Skyndihjálp
- Sláðu 5 sinnum þéttingsfast á bakið milli herðablaðanna til að losa aðskotahlutinn. Þrýstu svo 5 sinnum snöggt og kröftuglega á kviðinn.
- Ef um ungabarn yngra en eins árs er að ræða skaltu leggja það á grúfu yfir framhandlegg þinn með andlitið í lófa þínum og láttu höfuðið vísa niður.
- Sláðu 5 sinnum með þykkhöndinni á milli herðablaðanna og snúðu svo barninu við og þrýstu snöggt með tveimur fingrum allt að 5 sinnum á miðjan brjóstkassann.
- Endurtaktu aðgerðir þar til aðskotahluturinn losnar.
- Hringju í Neyðarlínuna 112 ef meðvitund einstaklingsins skerðist, rödd hans breytist, sérstakra aðgerða er þörf til að losa aðskotahlutinn úr öndunarveginum eða ef þú hefur áhyggjur af ástandi einstaklingsins.
Spurningar og svör
- Hverjar eru algengustu ástæðurnar fyrir köfnun?
Hjá fullorðnum er algengasta ástæða matur en hjá börnum smáhlutir og lítil leikföng.
- Hvernig á ég að þrýsta á kviðinn?
Stattu fyrir aftan einstaklinginn og taktu utan um kvið hans, krepptu annan hnefann og haltu utan um hann með hinni hendinni. Þrýstu hnefanum kröftuglega að þér og upp á við. Endurtaktu þetta allt að 5 sinnum. Þessa aðferð á ekki að nota á börn yngri en 1 árs.
- Á ég að beita sömu aðferð á barn sem er að kafna og á fullorðinn einstakling?
Já. Það að slá 5 sinnum á bakið og þrýsta svo 5 sinnum á kviðinn virkar vel til að losa aðskotahlut úr öndunarvegi hjá börnum og fullorðnum. Ekki taka barn upp á fótunum og hvolfa því til að losa aðskotahlut úr öndunarvegi. Aðferðin er ekki árangursrík og getur valdið frekari áverka ef þú missir barnið.
- Hvernig á ég að bregðast við þegar það stendur í ungabarni?
Leggðu ungabarnið (undir 1 árs aldri) á grúfu og láttu höfuðið vísa niður. Sláðu fyrst 5 sinnum á milli herðablaðanna, snúðu barninu svo við og þrýstu snöggt með tveimur fingrum allt að 5 sinnum á miðjan brjóstkassann. Endurtaktu aðgerðir þar til aðskotahluturinn losnar eða ungabarnið fer að gráta.