Bæklingar og bækur

Skyndihjálp og endurlífgun

Í bókinni eru mikilvægustu atriði skyndihjálpar sett fram á einfaldan og aðgengilegan hátt fyrir almenning. Af bókinni má læra skref fyrir skref hvernig bregðast á við í neyðartilfellum en hver umfjöllun hefst á spurningunum: „Hvað sérðu?“ og „Hvað gerirðu?“ .

Bókin „Skyndihjálp og endurlífgun - 2012” er handhægt uppflettirit sem ætti að vera til á hverju heimili og nota má á öllum námskeiðum í skyndihjálp jafnt stuttum sem löngum.

Þær aðferðir skyndihjálpar sem lýst er í bókinni eru í samræmi við leiðbeiningar Endurlífgunarráðs Evrópu frá árinu 2010 hvað varðar grunnendurlífgun og leiðbeiningar Rauða krossins um skyndihjálp frá árinu 2011.

Verð: 3.600 kr. 
Bókanúmer: BÓKSH005

Börn og umhverfi

Kennslubók sem notuð er á námskeiðunum Börn og umhverfi. Þau eru ætluð börnum eldri en 12 ára sem vilja fræðast um slysahættur í umhverfi barnsins, slysavarnir og skyndihjálp.

Verð: 1.037 kr.
Bókanúmer: MAPSH002

Bæklingur um skyndihjálp

Bæklingur um skyndihjálp fyrir almenning. Þar er að finna einfaldar upplýsingar um hvernig bregðast má við neyð bæði í máli og myndum. Hann tekur fyrst og fremst á þremur megin þáttum þ.e. endurlífgun, slysum og bráðum veikindum. Í bæklingnum er einnig að finna upplýsingar um sálrænan stuðning og Rauða kross hreyfinguna.

Innihald bæklingsins er aðeins ítarlegra en veggspjalds um skyndihjálp. Hann fylgir öllum skyndihjálpartöskum Rauða krossins og má nota sem námsefni á stuttum skyndihjálparnámskeiðum.

Verð: 750 kr.
Bókanúmer: BÆKSH001